News

Hüt, 27. Dezember 2019 am Mittag isch d Meldefrischt für d Ersatzwahl vo zwöi Lüt i de Gmeindrot Noiehof abgloffe. Sibe Manner hend ihri Kandidatur aagmeld. De Doppelrücktritt vo de Susanne Voser und em Andreas Muff us em Gmeindrot Noiehof mached en Ersatzwahl vo zwei Gmeindröt und em Gmeindamme notwendig. Für d Ersatzwahl vo zwöi […]

Wi d Kantonspolizei melded, isch es i de Nacht vom 25. uf de 26. Dezember 2019 zueme Unfall bi de Furttalchrüzig cho. Zwöi Auto hend en Totalschade.De Unfall isch gege Mitternach am 25. Dezember passierd. En 19-jährige het vo Wettige her am Liechtsignal aaghalte, wil für Rächtsabbieger rot gsi isch. Wo es grüen worde isch, […]

Es isch es Zitli her, dass de RVBW es Baugsuech für e Ladestation bi de Busgarage z Wettige iigreicht gha het. Sit Menitg, 16. Dezember 2019 isch de erschti eBus i de Region unterwägs.Es isch d Linie 8, wo vo de Busgarage z Wettige uf Noiehof führt, uf dere sit hüt um Elfi am Morge […]

Am Mentig, 16. Dezember 2019 isch es z Bärgdietike zumene tragische Verchersunfall cho. En 93-jährige Automobilischt het e Fuessgängerin überseh, wonoch uf de Unfallstell verstorbe isch.Wi d Kantonspolizei Aargau (Kapo) mitteilt, het am Mentig kurz nach de 12i am Mittag en 93-jährige Maa mit sim Auto welle manovriere und het dodebi e Fuessgängeri ned gseh. […]

Zauberhaft Bunt z Würelos schlüssd und machd en Totalusverchauf. Bis Endi Johr git’s 50% – 70% Rabatt! Zauberhaft Bunt möchti sich bi allne treue Chunde für die schöni Zyt bedanke . Alles hät es Endi und jetzt isch de Moment cho wo’s Team vo Zauberhaft Bunt neui Weg wodt gah. Zauberhaft Bunt bedankt sich bi […]

D Swisscom het scho im Vorus aakünd gha, dass di letscht Telefonkabine am 28. November 2019 abmontierd wird. Es isch di im Badener Quartier Kappelerhof gsi.Hüt, Donnschtig, isch di letscht Telefonkabine, d Swisscom het si zum Schluss Publifon gnennd, abbaud worde. Si het sit em 1962 a de Bruggerstross 164 z Bade gschtande. D Medie […]

Was am Tsischtig, 26. November 2019 z Spreitebach passierd isch, het Selteheitswert. De Gmeindrot het d Gmeindversammlig kurzfrischtig müesse absäge, wil so vil Lüt cho sind.Z Spreitebach chömmed zuere Gmeindversammlig öppe 100 bis 180 Lüt. Wil mit em Baukredit für en Neubau vom Gmeindhuus und de Teiländerig Neumatt vo de Bau- und Nutzigsordnig gwichtigi Traktande […]

S Streicherensemble «Stringendo» us Züri isch am Sunntig i de reformierte Chile z Wettige z Gascht. Als Gaschtsolischt spield de Sebastian Bohren. S Streicherensemble «Stringendo», wo scho einigi Priis gunne het, isch im 1999 vom Violinischt Jens Lohmann gründ worde. Jungi Musiker, wo entweder hend welle Musik studiere oder scho demit aagfange hend, sind mehrmols […]

Nachere Bauziit vo 1 1/2 Johr sind am Sunntig, 17. November 2019 d Iisfälder im Tägi z Wettige eröffned worde. S Publikum het gratis chönne sini Runde dreihe, aber schuscht isch vil bote worde. Alli sibe Gmeindröt sind do gsi, wo de Stadionmoderator vom EV Zug, de Thomy Jeker um 12i am Mittag s Eröffnisprogamm […]

Di dütsch Zitig Bild melded, de Abu Musab, eine vo de Drahtzieher vo de Aaschläg vo Paris im September 2015 sig de Thomas-Marcel C. De Maa mit Jahrgang 1987 isch ursprünglich us Nussbaume. De Thomas-Marcel C. sell e bewegti Chindheit gha ha. Wi Radio Argovia gmelded het, isch er z Nussbaume und z Wettige uf […]

Am Mentig, 11. November 2019 isch en Autofahrer uf de Zürcherstross z Neuehof iigschlofe. Er het d Kontrolle über sis Fahrzüüg verlore und isch miteme Kandelaber und eme Gartezuun zämegstosse. Wi d Kantonspolizei uf ihre Website mitteild, isch de 29-jährig Kroat vo Killwange her uf de Zürcherstross gfahre. Schints wil er iigschlofe isch, isch er […]

De Bundesrat het bschlosse, dass Telefonkabine nüm zu de Grundversorgig ghöred. Dodemit het d Swisscom d Möglichkeit alli Publifon gnennte Telefonkabine abzbaue. Am 28. November 2019 triffts di letscht und di stoht im Limmattal.D Aazahl vo de Telefonkabine isch i de letschte Johr kontinuierlich zruck gange. Gmerkt het es aber fascht niemed. Denn wer bruuchd […]

Vili Chind und Jugendlichi froied sich jewils uf Halloween, will si sich verchleide chönd und Süessigkeit überchömmed. Aber ned alli halted sich a d Spielregle.Jedes Johr isch de Tag nach Halloween au eine, wo vili Huusbsitzer einisch um ihres Huus umelaufe und nach allfällige Schäde lueged. Nachdem mir Hiwiis us Gmeinde im Limmattwal übecho hend, […]

D Zammenarbet im Neuehofer Gmeindrot sig schwirig, so het me s immer wider emol ghörd. Jetzt tritt Frau Gmeindamme und en witere Gmeindrot zruck. Wi d Badener Tagblatt (BT) brichted, isch de Rücktritt vo de Susanne Voser (CVP) und em Andreas Muff (parteilos) uf d Ersatzwahl am 9. Februar 2020 uf d Situation im Gmeindrot […]

Zum erschte Mol het d Ludothek Wettige zum lange Tag vo de Spiel iiglade. Zämme mit em Playland und em Miracoolix het me im reformierte Chilegmeindhuus z Wettige de ganz Tag chönne spiele.D Ludothek isch mit ihren XXL-Spiel vor Ort gsi. Speedcups, Mega-4-Gwinnt, Fischlispiel und au s 3×3 Meter Hüetlispiel het grosse Aaklang gfunde. DKugelibahn […]

Hüt, Donnschtig, 17. Oktober 2019 trifft sich de Wettiger Iiwohnerrot zu de 6. Sitzig vo dem Johr. Ob d Sitzig sehr lang goht oder kurz, wird sich bim Traktandum 7 entscheide.Es sind e paar wichtigi Entscheid, wo de Wettiger Iiwohnerrot hüt am Abe wird fälle. We de Rot di 74 Kürzigsaaträg vo de Fiko würd […]

Scho zum vierte Mol stelld de reformiert Pfarrer Lutz Fischer-Lamprecht sini Kanzle eme Gaschtprediger zur Verfüegig. Am 20. Oktober 2019 wird d Regula Stämpfli über de «Trumbau zu Babel» predige.Wer d Regula Stämpfli kennt, sigs durch Vorträg oder Kolumne in verschidnige Zitige, weiss, dass si e Frau isch, wo s prägnante Wort liebt und sich […]

Di meischte werded sich dra erinnere, dass am 5. Mai 2019 z Killwangen en Maa umbrochd worde isch. D Kantonspolizei und d Staatsanwaltschaft sueched nach Aagabe über en graue Audi. Bi de Ermittlige in Sache Tötigsdelikt z Killwange sind über 100 Persone befrogd worde. Uf ermittligstaktische Gründ cha d Polizei noch kei Aagabe zu de […]

De Flughafe Züri het es nois Betriibsreglement beaatraid. Für s Limmattal würdi das dütlich mehr Lärm bedüte. D Geimnde wehred sich degege.De Flughafe wot, dass d Flugzüüg zwüsche 6i am Morge und 10i am Obig vor allem uf de Pischte 28 starte, welli übers Furttal, Limmattal, Rohrdorferbärg und Rüüsstal führd. Aber au nach de 10i […]

Vor zwöi Monet het s Regionaljournal Aargau-Soloedurn gmeld, dass im Aargau in öppe 10 % vo de Trinkwasserprobe z vil Chlorothalonil isch. Zwöi Wasserfassige hend müesse vom Netz gnoh werde.Sit em 2017 gilt Chlorothalonil als möglicherwis chrebseregend und de Bund het en Gränzwert für de Stoff feschtglegd. Sither sind vom Kanton Aargau 108 Grundwasserprobe analysiert […]