News

Hüt, Donnschtig, 19. März 2020 isch de dritti Tag vo de «usserordentliche Lag», wo de Bundesrot erchlärt het. Zumindescht am Mittag sind Verhaltensregle zum gröschte Teil iighalte worde. Für en warme Früehigstag isch es i de Schtadt sehr ruhig zue und her gange. Aber lueged selber…

Di userordentlichi Lag, wo de Bundesrot usgruefe het, führt bi vielne Firmen zu gross Problem. Au d Bademer Brauerei Müller isch im Krisenmodus. Abgesagti Events, gschlosseni Restaurant und Läde, vili werded vo de Corona-Krise bsunders hart troffe. So au d Müller Bräu, wi si innere Mediemitteilig informiird. Noi bieted d Brauerei us dem Grund gratis […]

Di reformiert Chilepfläg het in de letschte zwöi Johr en Immobiliestrategie usgschaffed, wo si am Tsischtig, 17. März 2020 de Mitglider vo de Chilegmeind het welle vorstelle. Wegem Coronavirus isch de Aalass jetzt uf unbestimmti Zit verschobe worde.Sit über zwöi Johr isch e Fachgruppe vo de Chilegmeind am schaffe, het im Herbscht de Chilepfläg ihri […]

S Center for the Study of Language and Society vo de Universität Bärn suechd Dialektsprächer us bestimmte Ört i de Schwiiz. D Veränderig vo de Sproch sell dokumentiert und erforscht werde. Es isch di gröscht Dialäkterhebig i de Schwiiz sit de Mitti vom 20. Johrhundert, wo sdats am Dureführe isch. Über 1000 Lüt selled befrogt […]

Sit aafangs 2018 isch d Sandra Kohler Stadrrötin z Bade. Uf Ändi Mai tritt si zruck. De Rücktritt vo de Sandra Kohler isch überraschend cho. Ned emol zwöiehalb Johr isch si im Amt gsi, wenn si Ändi Mai ihres Amt abgit. I de Mediemitteilig, wo si au uf ihre Homepage veröffentlichd het, schriibd si, dass […]

De Hyronimus Füdlibürger isch ineme unfaire Prozess zum Tod verurteilt worde. Vili Schaulüschtigi hend sich de Prozess und d Vollstreckig vom Urteil ned welle loh entgoh. Jedes Johr s gliiche chönnd me denke, aber doch zeiged di jährliche Prozess gege de Füdlibürger, für was er alles verantwortlich isch. Ned numme z Bade het er d […]

Geschter, Fritig, 14. Februar 2020 öppe um Nüni am Abig isch bim Rothuuskreisel z Wettige es Auto verunfallt. D Polizei und d Sanität sind vor Ort gsi. D Kantonspolizei schriibd inere Mediemitteilig, dass s Auto vonere 39-jährige Dütsche, wo us em Rothuuskreisel usse Richitg Chloschter het welle fahre, gege de gelb-schwarz Inselschutzpfoschte gfahre isch. Ihre […]

Im Bade hend 4 jungi Manne bieme Raubüberfall Bargäld erbeuted. D Polizei het di muetmassliche Täter chönne festneh. Unter Aadrohig vo Gewalt hend am frühe Samschtigmorge vier Manner bim Trafoplatz Bargäld gfordered, schriibd Kantonspolizei inere Mediemitteilig. D Täter sind Richtig ABB-Areal gflüchted und d Opfer, en 16- und en 17-Jährige, hend d Polizei alarmiert. D […]

D Meldig vom 4. Februar 2020, dass in 2/3 vo de Aargauer Trinkwasserfassige Rückständ vo Chlorothalonil gfunde worde isch, het beunruhigd. Z Obersiggetal sind d Grenzwert teilwiis überschritte.Scho im Auguscht 2019 isch Chlorothalonil es grosses Thema gsi. De Bund het es als möglicherwis chrebseregend iigstuefd und Gränzwert fürs Chlorothalonil im Trinkwasser feschtglegd. Sit aafangs 2020 […]

Sibe Kandidate für zwöi Sitz im Gmeindrot und eine devo als Gmeindamme. Das isch d Usgangslag bi de Gmeindrotersatzwahl am 9. Februar 2020 gsi. Wi erwarted, wirds z Noiehof zueme zwöite Wahlgang cho. Aber ein Gmeindrotssitz het chönne bsetzt werde. De Martin Uebelhart (CVP) isch bieme absolute Mehr vo 588 mit 645 Stimme i de […]

Di erschte beide Winterstürm sind vorbi, de nächscht chunnd morn. Er sell no heftiger si.«Sabine» heissts Sturmtief, wo ois ab morn wird beschäftige. Aafangs wirds vor allem im Nordoschte vo de Schwiiz stürmisch, also im Elsgau und im Jura, ab de Nach uf Mentig au im Limmattal. D Windspitze selled höcher si wi bi «Petra», […]

Uf de A1 in Fahrtrichtig Bärn het d Kantonspolizei Aargau i de Nacht uf Donnschtig, 30. Januar 2020 es Auto aaghalte, wo durch d Fahrwiis ufgfalle isch. Keis Wunder, we me bedenkd, wer am Stüür gsässe isch.Kurz vor de Zwöi am Donnschtigmorge het öppe em Polizeinotruef aaglüted und mitteild, dass uf de A1 Richtig Bärn […]

Meteo Schwiiz het hüt e Sturmwarnig usegeh. Vo hüt am Abig bis morn am Abig wirds stürmisch werde.Mit Windspitze bis 110km/h in de Niderige binere Hauptwindrichtig vo Wescht bis Südwescht. Das teild Meteo Schwiiz mit. Vom 27. Januar 2020 um Nüni am Abig, bis Tsichtig, 28. Januar 2020 um di Sächsi am Abig bestoht Gfahrestuef […]

Hüt, Donnschtig, 23. Januar 2020 isch es bim Bustunnel z Bade zueme Unfall cho. En Bus vom RVBW het müesse abgschleppt werde. Bi de Usfahrt us em Bustunnel bim Schuelhuusplatz isch am Namittag es Postauto retour grollt. Dodebi het er en stehende Bus vo de Linie 7 vom RVBW verwütscht und d Frontschibe vom 7er-Bus […]

Di verschidnige Jugendorganisatione vom Siggethal hend au im 2020 a de Aktion 72 Stund teilgnoh. S Thema sind d Insekte gsi, wo für ois Mönsche wichtiger sind wi mir oft denke. Vo Donnschtig, 16. Januar bis Sonntig, 19. Januar 2020 hend Schülerinne und Schüeler us Ober- und Untersiggthal sich engagierd, um en Bitrag für de […]

Geschter, 14. Januar 2020 hend über 900 Lüt an de Gmeindversammlig z Schpreitebach teilgnoh. D Umzonig, wege dere di meischte cho sind, isch dütlich abglehnt worde. So vil Lüt sind d Schpreitebach no nie zuere Gmeindversammlig cho. Si het sogar vom November 2019 uf de Januar 2020 und vo de Turnhalle i d Umwältarena müesse […]

De Schwiizer Heimatschutz verleiht einisch im Johr de Wakkerpriis an e Gmeind, wo de Ortsbildschutz inere guete Art und Wiis gwährleischtet. Im 2020 wird d Stadt Bade uszeichned.Bade cha di national und kantonal em Verchersplanig numme sehr beschränkt beiiflusse, betond de Heimatschutz in sinere Mediemitteilig. D Stadt het aber ned vor de Verchersbelaschtig resignierd, schriibed […]

Am Sunntig, 12. Januar 2020 het d Kantonspolizei es Fahrzüüg uf de A1 blitzt. Es isch mit 211 km/h unterwägs gsi. Wi d Kantonspolizei Aargau inere Mediemitteilig schriibd, isch en 23-jährige Kroat mit sim Audi uf de Autobahn A1 Richtig Züri gfahre. Wobi gfahre wohl s falschi Verb isch, er isch nämli grast. Wegere Gschwindigkeitskontrolle, […]

Vor 100 Johr, am 6. Januar 1920, isch di reformiert Chilegmeind Wettige-Noiehof per Dekret vom Grosse Rot vom Kanton Aargau gründ worde. D Chilegmeind het das am Tag vorher miteme Fäschtgottesdienscht gfiired.Im Rahme vom 975-jährige Jubiläum vo Wettige und de «Perleschnur», wo d Gmeind fürs Jubiläumsjohr ins Läbe gruefe het, het di reformiert Chilegmeind ihr […]

Am 6. Januar 1920 het de Grossi Rot vom Kanton Aargau per Dekret d Chilegmeind Wettige-Noiehof gründ. Am 5. Januar 2020 wird das gfiired. Nach de Niderlag vo de Reformierte im zwöite Kapellerchrieg im 1531 het es z Noiehof und z Wettige über 3 Johrhundert kei Reformierti meh geh. Erscht mit de Eröffnig vom Lehrerseminar […]