News

Sit em 1. März 2024 esch d Wettiger LägereBräu au en Cider Produzent. D Marke «Dietiker Cider» esch sit dem Datum de LägereBräu übergäh/verchauft worde.Die beide Gründerfamiliene Kappeler und Stehrenberger bliibed de LägereBräu (LB) mit Rat und Tat partnerschftlich erhalte, schriibd d Brauerei inere Mediemitteilig. Scho sit April 2022 esch das beliebte Getränk us Dietiker […]

Bi ere usserordentliche Chilegmeindversammlig het die reformiert Chilegmeind Wettige-Noiehof de Baukredit für es nois Chilegmeindhuus gsproche. Es isch en wichtige Schritt für d Umsetzig vo de «Immobiliestrategie 2030». Für fascht 6.4 Millione Franke wird d Chilegmeind a de Lägerestrass es nois Chilegmeindhuus baue. Das het d Chilegmeindversammlig am Tsischtig, 27. Februar 2024 ohni Gegestimm bi […]

De Regionalplanigsverband Bade Regio isch noi Mitglied vom Verein Metropolitanruum Züri. Das isch wege ere Statueänderig noi mögli. Noi chönnd nebe Kantön, Städt und Gmeinde au Regione Vollmitglied vo de Metropolitankonferenz Züri werde. Die erschti regionali Körperschaft, wo das nutzt, isch Bade Regio. Au die bisherige Sub-Regione Frauefeld und Wil werded noi Vollmitglieder. D Idee isch, […]

Jedes Johr bestimnt de Kanton Aargau sin Staatswy, wo bi offizielle Aaläs usgschenkt wird. I dem Johr sind es grad zwöi us em Limmattal, wo zum «Aargauer Staatswy» erkore worden si. 84 Wy sind in dem Johr iigreicht worde, zum d Chance ha, Aargauer Stastswy z werde. Innere Vorselektion sind pro Kategori je 4 Wy usgwählt […]

Bi de zwöite Box Gala im Trafo z Bade isch de Stefan Rumpold ned zum erhoffte Erfolg cho. In sim 9 Profikampf het er sini erschti Niderlag müesse iistecke. D Erwartige sind hoch gsi, an d Box Gala als solchi und au an de Stefan Rumpold. De Lokalmatador us Chlingnau het de Hauptkampf bestritte bi […]

Am Samschtig, 11. März 2023 um Föifi started d Box Gala z Bade im Trafo. De Hauptkampf wird de Stefan Rumpold bestrite. Mir hend ihn bim Training bsuechd.

Di nassi Fahrbahn het uf de A1 bi Würelos zueme Selbstunfall biitraid. S Auto het en Totalschade. Es isch am Donnschtig, 9. März 2023 am Morge gege di Halbizwöi gsi, wo en Autofahrer miteme BMW M4 uf de A1 bi Würelos Richtig Züri unterwägs gsi isch. S Fahrzüüg isch uf nasser Fahrbahn ins Schlüdere cho […]

Am frühe Mittwochmorge isch es uf de A1 bi Wettige zuere Streifkollission cho. Eis Auto isch ohni aazhalte witergfahre. D Polizei suecht Züüge. Es isch am Mittwoch, 8. März 2023 öppe um Viertelvorsibni am Morge gsi, wo e Lenkeri mit ihrem blaue Mitsubishi Colt uf de A1 Richtig Züri unterwägs gsi isch. Vom zwöite Überholstreife […]

Unvergässe isch d Boxgala vom Dezember 2021. Jetzt chunnd di zwöit Uflag … Fans vom «gepflägte Fuschtkampf» hend länger müesse warte, bis es z Bade in de Trafohalle zuere Noiuflag vo de Boxgala chunnd. Am Samschtig, 11. März 2023 isch es so wit. Sächs Boxkämpf sind planed und de Hauptkampf wird s Duell im Schwergwicht […]

Bi eme Spurwächsel uf de Autobahn isch es zuere Kollission zwüscheme Auto und em Laschtwage cho. An beide Fahrzüüg isch en Sachschade entstande.Am Mittwoch, 1. Februar 2023 isch churz vor de Halbisibni am Abe e Autofahreri uf de A1 Fahrtrichtig Bärn unterwägs gsi und het vom erste Überholstreife wider uf d Normalspur welle wächsle. Dodebi […]

Jedes Johr am erste Mittwoch im Februar werded in de Schwiiz d Sirene teschtet. I dem Johr isch es am 1. Februar 2023.Bi de Sirenekontrolle werded jewils di stationäre und di mobile Sirene teschtet, wo im Ernschtfall d Bevölkerig würded allarmiere. Vom Halbizwöi bis um Zwöi wird s Signal für en «allgemeine Alarm» usglöst, en […]

Bisher hend d Noizuzüger vo de Teilchilegmeind Obersiggetal numme en Begrüessigsbrief mit em aktuelle Infomagazin «Kiag» becho. Noi gits au en Link zueme Vorstelligsvideo. Zum d Begrüessig vo de Noizuzüger moderner und digitaler zmache, het d Chilegmeindkomission to Obersiggetal vo zwöi junge Filmemacher es Vorstelligsvideo lah realisiere. De Jan Kuhnert und de Jamie Kroll hend […]

En 18-jährige Junglenker het d Kontrolle über sin BMW verlore. Sin Führerausweis isch au erscht emol wäg. Am Samschtig, 21. Januar 2023 churz ab de Halbielfi am Abe isch en 18-jährige Automobilist uf de Wettigerstrass z Bade unterwägs gsi. Uf em Wäg vo de Hochbrugg Richtig Ännetbade het er in de enge Linkskurve uf Höchi […]

In de Nacht uf Samstig, 21. Januar 2023 isch bi de Usfahrt Bade-West vo de A1 es Auto von de Fahrbahn abcho und het sich überschlage. Alle sechs Autoinsasse sind verletzt worde, e jungi Frau schwer. Es isch am Morge öppe um Halbizwöi gsi, wo sechs Persone ineme Mercede-Van uf de A1 in Richtig Züri […]

Am Sonntig, 8. Januar 2023 am Morge het d Kantonspolizei uf de A1 bi Noiehof e Vercherskontrolle duregfüehrt. Vier Automobilste hend ned dörfe witerfahre und en föifte isch spöter z Koblenz am Zoll aaghalte worden. Bi ere Grosskontrolle uf de A1 hat d Kapo 16 Fahrzüüg genauer aaglueged. Vier vo de Automobiliste hend ned dörfe […]

Z Noiehof het en Noilenker uf ere Nebestrass im Wald d Kontrolle über sis Auto verlore. S Fahrzüüg het sich überschlage und isch if de Site ligne blibe. Am Mentig, 2. Januar 2023 öppe um Viertelvorsächsi am Abe het en Nöilenker uf de Rüslerstrass oberhalb vo Noiehof d Kontrolle über sis Fahrzüg verlore. S Auto […]

Am Tsischtig, 13. Dezember 2022, churz vor de 1 am Mittag, isch es uf de A1 zwüsche Wettige-Ost und Schpreitebach zueme Unfall cho. De Grund sind gegesitigi Provokatione und es riskants Bremsmanöver gsi.Wie d Kantonspolizei innere Mediemitteilig schriibd, sind geschter, churz vor de Eis en VW Polo und en Audi A6 uf de Autobahn Richtig […]

Es brönnends Auto isch hüt z Ännetbade retour über d Stross grollt. Das zeiged es Video, wo de Blick veröffentlicht het. Bim Meloneschnitz z Ännetbade esch am Donnschtig, 8. Dezember 2022 es Auto brennend retour über d Wettigerstross grollt. D Füürwehr und Polizei sind im Iisatz gsi. Wie es zum Brand cho isch und warum […]

Sit eme guete Johr isch s Fortyseven s Bade in Betrieb. Mir hend ois mit de Nina Suma, de Geschäftsführerin vo de ThermalBaden AG troffe und mit ihre drüber gred, wie das erschte Johr gsi isch.

Sit em Iizug vom Adrian Gräub in de Grossi Rat het Bade meh Grossröt wie Wettige. Das ändered jetzt mit sim Rücktritt. Nach de Grossratswahle vom 18. Oktober 2020 hend Wettige und Bade glich viel Grossröt gha. Seither isch es zu einige Änderige cho. D Leandra Knecht isch vo Bade uf Turgi zügled, de Adrian […]