News

Bi de Regionalpolizei Wettige-Limmattal (Repol) het bim Aatrittsrapport vom 5. April 2022 d Stabübergab stattgfunde. Statt em Roland Jenni het jetzt de Oliver Bär s Kommando. Bi de Repol Wettige-Limmattal isch de Wechsel bim Kommando vollzoge worde. Am 5. April 2022 het de Roland Jenni de Stab a sind Nachfolger, de Oliver Bär witergeh. Bim […]

S Trafo Bade veraastaltet zämme mit diverse Partner am Sunntig, 10. April, vom Halbielfi am Morge bis um Vieri am Namittag en Benefiz-Brunch. De gsamti Erlös chunnd de humanitäre Ukraine-Nothilf vo de Glückskette z guet. De Brunch stoht unter em Motto «Bade stoht zäme», wo au anderi Spendeaktione in de Region kennzeichned.«Mir wend en Bitrag […]

D Chilene hend immer weniger Mitglieder und dodemit au immer weniger Gäld. Z Bade het das jetzt witreichendi Folge.Ab em 1657 het d Stadt Bade eigemächtig s Schloss Stei mit de Befeschtigungsaalage wider la ufbaue. Das isch umstritte gsi, wil es de Friedesbeschtimmige vom Erschte Villmergerchrieg widersproche het. Für di moderni Chriegsfüehrig hend di Verteidigungsaalage nüd […]

D Chloschterhalbinsle Wettige isch noi en Teil vom Museum Aargau. Das het au für d Zuegänglichkeit vom Chloschter grossi Vorteil.S Chloschter Wettige isch das Zisterzienserchloschter in de Schwiiz, wo am beschte erhalte isch. Mit de Chloschterchile und de historische Gärte isch es es Kulturgut vo internationalem Rang. De Kanton het di Einzigartigkeit erkannt und d […]

Im 2022 wird de Planigsverband «Baden Regio» 75-jährig. Damit d Bevölkerig cha mittfiire, het «Baden Regio» föif Jubiläumswanderige kreiert, wo dur alli 24 Mitgliedsgmeinde füehred.Es isch am 25. April 1947 gsi, wo de Planer, Ingenieur und Visionär Josef Killer de Verein «Regionalplanungsgruppe Baden und Umgebung» gründ het. De Planigsverband isch muetmasslich de erschti Planigsverband i […]

Hend ihr scho einisch während de Predigt welle Zwüschefroge stelle, wil ihr öppis anderscht gseh hend? Oder wil ihr öppis ned verstande hend? De Urban Priol macht das …Am Sonntig, 27. März 2022 um Viertelabzähni am Vormittag chunnd de dütsch Kabarettist Urban Priol in die reformiert Chile z Nussbaume zum Gottesdienscht. Er wird nochefroge, widerspreche, […]

Chileglocke lüted traditionell vor Gottesdienst, zu bestimmte Tageszite und am 1. August and zum Jahreswechsel. Ab und zu gits aber au anderi Gründ, so wie hüt. Jedi Chile mit Glocke het ihri eigedi Lüteziite, wo au vo de Konfession abhängig si. Z Wettige lüted d Katholike zum Bispiel um 11i, di Reformierte kurz vor de […]

Sit em 17. Januar 2022 isch de Urs Kamberger CEO vom Sportzentrum «Tägi» z Wettige. D Wettiger Nochrichte hend ihn zum Interview troffe. Vor 6 Woche het de Urs Kamberger sini Stell aaträte und het über sini erschti Erfahrige gred, sini Idee, sis Engagement und ob es ihm wohl isch im Tägi…

Am Fritig, 25. Februar 2022 het d EVP Regionalpartei Wettingen-Limmattal ihri GV gha. De Lukas Rechsteiner isch de noi Präsident. D EVPler hend Freud gha, dass nach de Absag vo de GV im 2021 wider es Träffe möglich gsi isch. Nebe vilne Informatione über d Arbet im Iiwohnerrat, em Grosse Rat und em Nationalrat sind […]

De Krieg in de Ukraine macht vili betroffe und hilflos. Di reformiert und di katholisch Chile organisiered zämme es ökumenisch Friedensgebet z Wettige. Sit em 22. Februar 2022 laufd de russisch Aagriff uf d Ukraine. En Chrieg z Europa, numme zwöiehalb Flugstunde vo ois, macht vili Mönsche sprachlos und truurig. Zum ned eifach tatelos zueluege, […]

Wil d Beseitigung vonere Ölspur en Unleitig vor de Hochbrugg notwendig gmachd hed, isch au d Füürwehr vo Wettige im Iisatz gsi. Wie d Füürwehr uf ihre Website schriibd, isch si geschter am Namittag im Beriich Schönaustrass/Landstrass im Iisatz gsi. Am 22. Februar 2022 gege die Zwänzgabvieri isch d Füürwehr Wettige zur Unterstützig vo de […]

De Ländliweg isch e wichtigi Verbindig für de Langsamvercher zwüsche Bade und Wettige. Wenn’s Wetter mitmacht, isch er ab em 7. März für einigi Täg gsperrt. Entlang em Ländliweg hend au bim Usbau vom Fuessgänger- zum Veloweg d Platane chönne stah blibe. Sie müend aber regelmässig zruckgschnitte werde, es für d Ziit ab em 7. […]

Sit em unbewilligte Teilabbruch vom Murihof im Oktober 2018 gits a de Dorfstrass 67/69 z Wettige e unschöni Baulücke. Si cha jetzt gschlosse werde, wil de Gmeindrat d Baubewilligung erteilt het.Uf em Areal vom Murihof z Wettige hend in drü Gebäud zämme 21 Wohnige selle erstellt werde. Für di Überbauig mit em Umbau vom Murihof […]

Z Gäbischtorf isch am Mentig, 21. Februar 2022 am Morge en Velofahrer vomene Lastwage überfahre worde. D Polizei suecht Züüge. Wie d Kantonspolizei innere Mediemitteilig schriibd, isch de Unfall hüt am Morge öppe um Viertelvorsibni im Chreisel a de Landstrass passiert. De Velofahrer isch schints d Kinzigstrass abecho und isch dete unter unklare Umständ vomene […]

Z Schpreitebach isch innere Wohnig en toter und en schwerverletzter Maa ufgfunde worde. D Umständ, wo dezue gführt hend, sind no ned klar. D Kantonspolizei Aargau het innere Mediemitteilig drüber informiert, dass sie am Samschtig, 12. Februar 2022 kurz ab de Nüni wege ere unklare Meldig mehreri Polizeipatrouille an d Bahnhofstrass z Schpreitebach usgrückt sind. […]

Uf de Simon Dankwa folgt de Lukas Porro. In de Bierszene isch er e bekannti Grössi.Wi d Wettiger Brauerei LägereBräu mitteilt, wird de Lukas Porro ab April 2022 di operativ Leitig vo de Brauerei überneh. Der het sibe Johr Füehrigserfahrig in ere Grossbrauerei und isch Mitglied vo de Schwiizer Biersommelier-Nationalmannschaft. Dodemit brigt er di nötig […]

Meteo Schwiiz warnt voreme Sturm. Vo Sunntig uf Mentig Nacht wirds vermuetlich ungmüetlich. «Wind Stufe 3» heissts uf de Website vo MeteoSchwiiz und «erhebliche Gefahr». Das gilt fürs ganze Limmattal, eigentli fürs ganze Mittelland. In tüüfere Lage isch mit maximale Böen vo 70 bis 110 km/h z rächne, schriibt MeteoSchwiiz. In de Hochalpe chönnd es […]

Jedes Johr am erste Mittwoch im Februar werded in de Schwiiz d Sirene teschtet. So au hüt, 2. Februar 2022. Bi de Sirenekontrolle werded jewils di stationäre und di mobile Sirene teschtet, wo im Ernschtfall d Bevölkerig würded allarmiere. Vom Halbizwöi bis um Zwöi wird s Signal für en «allgemeine Alarm» usglöst, en uf- und […]

Wil de Roland Jenny Ändi Mai 2022 pensioniert wird, isch klar gsi, dass d Regionalpolizei Wettige-Limmattal en noie Kommandant bruuchd. De Gmeindrat Wettige het de Oliver Bär gwählt. Uf de 1. April 2022 het de Gmeindrat Wettige de 45-jährig Oliver Bär zum Kommandant vo de Regionalpolizei Wettige-Limmattal gwählt. Er wird dodemit Nachfolger vom Roland Jenny, […]

Mit viel Spannig isch s BoxGala in de Trafohalle z Bade erwartet worde. Im föifte Kampf vom Abe het de Ando Hakob de Intercontinental-Gürtel vo de World Boxing Federation (WBF) im Weltergwicht gwonne.Nachere Musikshow zur Iistimmig het bi dere Fight Night vom letschte Samschtig im Trafo z Bade de Michael Sokoll, wo dur s Programm […]